front full 2nd add Top

फाईल-फोटो

काठमाडौं । युद्धग्रस्त यमनमा हैजाको महामारी फैलिएको छ ।
गम्भीर प्रकृतिको महामारीका कारण अहिलेसम्म एक लाख भन्दा बढी प्रभावित भएको विश्व स्वास्थ्य संगठनले जनाएको छ ।

यमनका २२ मध्ये १९ प्रान्तमा महामारी फैलिएको र गएको अप्रिल २७ यता हैजाका कारण ७ सय ९८ जनाको ज्यान गएको छ । अक्सफामका अनुसार यमनका हैजाका कारण पछिल्लो समय एक घण्टामा एक जनाको ज्यान जाने गरेको छ ।

दुई वर्षदेखि सरकारी सेना र हुथी बिद्रोहीबिच भइरहेको युद्धका कारण यमनको स्वास्थ्य, खानेपानी तथा सरसफाइ व्यवस्था पूर्णरुपले ध्वस्त भएको छ ।

हैजाबाट प्रभावित हुनेमा बढी बालबालिका रहेको र उनीको अवस्था निकै दयनिय बन्दै गएको संयुक्त राष्ट्रसंघले जनाएको छ । राष्ट्रसंघीय बाल कोश युनिसेफले हैजाको दर नाटकीय रुपमा बढेको र यो निकै चिन्ताको विषय रहेको बताएका छ ।